Чүйдө автоунаа электр мамысын сүзүп, айдоочусу каза болду

Чүйдө автоунаа электр мамысын сүзүп, айдап бараткан киши каза болгонун Чүй облустук милициясынан билдиришти.

Кырсык кечээ саат 05:55 чамасында Сокулук районунун Фрунзе көчөсүндө болгон.

"BYD үлгүсүндөгү автоунаа чыгышты көздөй бара жатып "ОАЗИС" кафесинин жанындагы электр мамысына урунган. Кырсыктын кесепетинен айдап бараткан киши алган жаракаттарынан улам каза болду", — деп айтылат маалыматта. 

Автокөлүктөгү жүргүнчү ооруканага жеткирилгени кошумчаланды.