Ташкент – Тамчы ("Ысык-Көл" эл аралык аэропорту) багыты боюнча үзгүлтүксүз жүргүнчү каттамы аткарыла баштады. Бул тууралуу "Кыргызстан аэропорттору" ААКтан билдиришти.
Маалыматка ылайык, Өзбекстан лоукостери болгон - Fly Khiva авиакомпаниясы аталган багыт боюнча алгачкы жүргүнчү каттамын ишке ашырды.
Каттамдар 22-июндан тарта аткарыла баштады жана 10-августка чейин жекшемби күндөрү жүргүзүлөт.
"Мындай каттамдардын ачылышы Өзбекстан менен Кыргызстандын ортосундагы ыңгайлуу жана жеткиликтүү авиакаттамдардын мүмкүнчүлүгүн кеңейтип, туризмди жана ишкердик байланыштарды өнүктүрөт", - деп айтылат маалыматта.
Белгиленгендей, билеттерди авиакассалардан сатып алууга болот.
Пикирлер (0)
Пикир жок. Сиз биринчилерден болушуңуз мүмкүн