Бүгүн, 16-октябрда "Ала-Арча" мамлекеттик резиденциясында өтүп жаткан Жогорку Кеңештин кезексиз жыйында Өмүрбек Текебаев президенттик жана парламенттик шайлоону бир күндө өткөрүүнү сунуштады.
Анын айтымында, шайлоону бир өткөрүүгө мыйзам жол берет.
"Парламенттик шайлоодо шайлоо босогосун 3 пайызга чейин төмөндөтүү керек. Ошондо жаңы партиялар келет. Жаңылануу - бул бүгүнкү күндүн талабы. Президенттик жана парламенттик шайлоону бир күндө өткөрүүнү сунуштайм. Буга мыйзам жол берет жана бюджетти үнөмдөөгө жол ачат", - деди Текебаев.
Ошондой эле, ал алдыдагы шайлоого президенттин милдетин аткарып жаткан премьер-министр катыша албай тургандыгын айтып, анын айланасындагы адамдарды дагы катыштырбоону сунуштады.
Пикирлер (0)
Пикир жок. Сиз биринчилерден болушуңуз мүмкүн