Бир сутка ичинде өлкө боюнча 3 медициналык кызматкер коронавирус жуктуруп алганы аныкталды. Бул тууралуу Коомдук саламаттык сактоо башкармалыгынын башчысы Айнура Акматова 11-сентябрдагы брифингде билдирди.
Жаңы учурлар:
- Баткен облусунда – 1
- Жалал-Абад облусунда – 1
- Ош шаарында – 1
Ал эми бир суткада ооруканалардан 7 медкызматкер жана үй карантининен 15 медкызматкер айыгып чыгарылган.
Жалпысынан республика боюнча COVID-19 диагнозу менен медициналык кызматкерлер арасында – 3163 учур катталды, алардын ичинен 2657 медкызматкер айыгып чыкты.
Пикирлер (0)
Пикир жок. Сиз биринчилерден болушуңуз мүмкүн