Эркек чарчаган кезде жөн эле уктап алса болобу?

Жок. Себеби, бул жөн гана уйку эмес, бул дененин сигналы, ресурстун түгөнүшү. Сен аракет кыласың. Иш, үй-бүлө, жоопкерчилик… Коом сени «күчтүү бол» деп күтөт. Сен чыдайсың. Бирок дене калп айтпайт. Ал чарчаганда үн чыгарат.

Эгер акыркы айларда:

- эртең менен ойгонуу кыйын болуп жатса;

- көңүл чөгүп, дем жоголуп жатса;

- булчуңдар азайып, ич чыга баштаса;

- каалоо кетип, маанай бат өзгөрүп жатса, бул жөн гана чарчоо эмес. Бул — ички системанын бузулушу.

Изилдөөлөр эмне дейт?

JAMA Network Open маалыматына ылайык, 35 жаштан кийин ар бир беш эркектин экинчисинде тестостерондун деңгээли нормадан төмөн болот.

Harvard Health Publishing баса белгилейт: эркектердеги узакка созулган чарчоо жана демдин жоголуусу көп учурда тааныла элек гормоналдык жетишсиздикке байланыштуу.

ДССУ (ВОЗ) маалыматына ылайык эркектер депрессия менен аялдарга салыштырмалуу эки эсе аз кайрылышат, бирок өзүнө кол салуу коркунучу үч эсе жогору.

Бул абалга эмне себеп болушу мүмкүн?

- тестостерондун төмөндөшү;

- уйку циклдеринин бузулушу;

- өнөкөт стресс;

- витамин D, магний жана темир жетишсиздиги;

- инсулинге сезимталдыктын төмөндөшү.

Булардын баары энергияга, чечкиндүүлүккө, эмоцияны башкарууга түздөн-түз таасир берет.

Эмне кылыш керек?

1) Анализ тапшыр:

- тестостерон (жалпы жана эркин);

- ферритин жана витамин D;

- инсулин жана глюкоза (ачкарын);

- 35 жаштан кийин ПСАны да тапшыруу сунушталат.

2) Уйкуну калыбына келтир. Эркектин негизги гормондору уктап жатканда бөлүнөт.

3) Кыймылды кайтар. Жөө басуу, спорт, таза аба – жөнөкөй, бирок күчтүү каражаттар.

Сен жалкоо эмессиң. Сен жөн гана өзүңө кайрыла элексиң. Бул абалды оңдоо мүмкүн жана сен муну жалгыз чечүүгө тийиш эмессиң.   

Булак: "Азия Ньюс" гезити