Бишкек шаарында жаңы жылдан тарта коомдук транспортто накталай акча төлөө токтотулушу мүмкүн. Бул тууралуу Бишкек шаарынын Транспорт бөлүмүнүн башчысы Максатбек Нусувалиев билдирди.
Анын айтымында, мындай кадам жеңилдик берилген адамдардын санын так билүүгө жардам берет.
«Биз накталай эмес төлөмдөргө өткөндө, канча адамга жеңилдиктер берилгенин так билебиз. Картасыз милдеттендирилет», - деди Нусувалиев.
Ал коомдук транспортту сейрек колдонгондор үчүн бир жолку төлөм системасын иштеп чыгуу демилгесин көтөрүп жатканын кошумчалады. Балким, бул бир жолку карталар же QR код аркылуу телефондон төлөөгө болот.
Пикирлер (0)
Пикир жок. Сиз биринчилерден болушуңуз мүмкүн