“Үмүт” кыймылы жаңы бийликке талап койду

Курамына 15 партиянын мүчөлөрү кирген “Үмүт” кыймылы жаңы бийликке бир нече талап койду. Алар бул тууралуу 5-ноябрда өткөн брифингде айтты.

Кыймылдын талабы боюнча парламенттик шайлоо БШК жарыялаган 20-декабрда өтүшү керек. Ошондой эле президенттин милдетин аткаруучу, премьер-министр Садыр Жапаров Жогорку Кеңешке өтүү босогосун 3 пайызга түшүрүп, Форма-2ни жойгон мыйзамга тез арада кол коюшу керек. Мындан сырткары, “Үмүт” кыймылы учурдагы Жогорку Кеңештин ыйгарым укуктары тез арада токтотулушу зарылдыгын эскертүүдө. Ага 5 жыл мурда шайланып келген парламенттин мөөнөтүнүн аяктаганын себеп кылууда.