Бүгүн Ысык-Көл облусунда бардык облустук башкармалыктардын жана бөлүмдөрдүн кызматкерлеринин катышуусу менен КР УКМКнын төрагасынын кубогуна командалык спорттун түрлөрү боюнча жыл сайын өтүүчү республикалык спартакиада башталды. Бул тууралуу КР УКМКдан билдиришти.
Спартакиаданын салтанаттуу ачылышында УКМКнын төрагасынын биринчи орун басары генерал-лейтенант Р.А.Мамасадыков, кызматкерлердин ыкчам жана кызматтык ишинин жогорку эффективдүүлүгүн камсыз кылуунун багыттарынын бири катары, спортту өнүктүрүүнүн жана аскер кызматкерлеринин дене тарбиясынын деңгээлин жогорулатуунун маанилүүлүгүн белгиледи.
Быйылкы жылы коопсуздук органдарынын спорттук командалары волейбол, футбол, баскетбол, шахмат жана стол үстүндөгү теннис боюнча спорттун беш түрү менен күч сынашат.
Пикирлер (0)
Пикир жок. Сиз биринчилерден болушуңуз мүмкүн