Ташиевдин уулуна карата козголгон иш кайра кароого жөнөтүлдү

УКМКнын башчысы Камчыбек Ташиевдин уулу Темирланга козголгон кылмыш иши жаңы кароого жөнөтүлдү. Бул тууралуу шаардык соттон билдирди.

Бишкек шаардык сотунун соттук коллегиясы Темирландын адвокатынын даттануусун кабыл алып, ишти жаңы кароого Октябрь райондук сотуна жөнөттү. Темирлан Ташиев унаалардан дөңгөлөктөрүн уурдоо ишинде соттолуучу катары каралып жаткан.

Ал 2013-жылы дөңгөлөк уурдоого шектелип кармалган. Бир жылдан кийин иш Бишкек райондук сотуна өткөрүлүп берилген. Жабырлануучулар Темирлан Ташиевге коюлган айыпты колдоодон баш тартып, иш токтотулган.