Россия Федерациясынын өкмөтү Кыргызстандын министрлер кабинети менен билим берүү тармагындагы келишимди ратификациялоо боюнча мыйзам долбоорун жактырды. Бул тууралуу анын расмий сайтында айтылат.
“Россия Федерациясынын Өкмөтү менен Кыргыз Республикасынын Министрлер Кабинетинин ортосундагы Жалпы билим берүү уюмунун ишмердүүлүгүнүн шарттары жөнүндө макулдашууну ратификациялоо тууралуу” федералдык мыйзамдын долбоорун жактырсын жана белгиленген тартипте Мамлекеттик Думасынын кароосуна киргизсин”, - деп айтылат маалыматта.
Документ эки өлкөнүн маданий жана билим берүү тармагын өнүктүрүү үчүн жагымдуу шарттарды түзүүгө багытталганы белгиленген.
Буга чейин Россия Федерациясынын Билим берүү министрлиги 2023-жылы Кыргызстандын мектептерине 150 орус мугалимин жөнөтөрү маалымдалган.
Пикирлер (0)
Пикир жок. Сиз биринчилерден болушуңуз мүмкүн