Президенттин Нарын облусундагы өкүлүнүн эки орун басары алмашты

Президенттин Нарын облусундагы ыйгарым укуктуу өкүлүнүн эки орун басары алмашты. Бул тууралуу министрлер кабинетинен билдиришти.

Маалыматка ылайык, Сапаров Адыл Солтоевич президенттин Нарын облусундагы ыйгарым укуктуу өкүлүнүн биринчи орун басары кызмат ордунан бошотулду.  Анын ордуна Сапарбеков Руслан Жайлообекович дайындалды.

Ошондой эле Шабдан Абдырайым уулу президенттин Нарын облусундагы ыйгарым укуктуу өкүлүнүн орун басары кызмат ордунан бошотулуп, анын ордуна Иманалиева Айдана Керимбековна дайындалды.

Тиешелүү тескемелерге министрлер кабинетинин төрагасы Адылбек Касымалиев кол койду.