Ош облусунун Кара-Суу районунда 7 жашар баланы жеңил унаа сүзүп, андан ары из жашырып качып кеткен. Бул тууралуу облустук жол кыймылынын коопсуздугун камсыздоо бөлүмүнөн билдиришти.
Маалыматка ылайык, 2-февраль күнү саат 11:10 чамасында 2015-жылы туулган А.А.ны жолдон өтүп бара жатканда Hyundai Starex унаасы сүзүп, андан ары из жашырган. Кырсыктын кесепетинен жабырлануучу денесинен жараат алып, Кара-Суу райондук балдар ооруканасына жеткирилген.
Издөө иштеринин натыйжасында, айдоочу Жалал-Абад облусунун Сузак районунун 1978-жылы туулган К.Б. аттуу тургуну экени белгилүү болгон. Ал кызматкерлер тарабынан кармалып, унаасы айып короосуна токтотулган.
Учурда териштирүү иштери жүрүүдө.
Пикирлер (0)
Пикир жок. Сиз биринчилерден болушуңуз мүмкүн