Орок айылында 20-25 жаштагы белгисиз адам асынып турган жеринен табылды. Милиция кызматкерлери маркумдун өздүгүн аныктоо үчүн коомчулуктан жардам сурап кайрылат. Бул тууралуу Чүй ОИИББинин басма сөз кызматы билдирет.
Анын айтымында, 20-июлда Орок айылынын аймагынан жолдун жээк тарабында талаадан асынып өлгөн адам табылгандыгы тууралуу билдирүү түшкөн. Маркум болжол менен 20-25 жаштар чамасындагы азиат түспөлүндө деп сүрөттөлөт.
Кийген кийими: үстүндө баш сөөктүн сүрөтү түшүрүлгөн жана латын тамгалары менен жазылган кара футболка, көк джинсы шым, бутунда кара кроссовка.
Белгилери: бою 165-170 сантиметр, арыкчырай, чачы узун кара, көздөрү күрөң түстө.
Пикирлер (0)
Пикир жок. Сиз биринчилерден болушуңуз мүмкүн