Мэриянын аппарат жетекчиси болуп 31 жаштагы Адилет Малдыбаев дайындалды

Бишкек шаарынын мэриясынын аппарат жетекчиси болуп Адилет Малдыбаев дайындалды. Бул тууралуу аталган мекеменин басма сөз кызматынан билдиришти.

Тиешелүү буйрукка шаар мэри Азиз Суракматов кол койгон. Жаңы жетекчи буга чейин Биринчи Май районунун акиминин орун басары болуп эмгектенип жаткан.

Адилет Малдыбаев 31 жашта, Каракол шаарында туулган. Аталган калаадагы №11 Максим Горький атындагы мектеп-гимназиясында окуган. Жусуп Баласагын атындагы Кыргыз улуттук университетинин бүтүрүүчүсү.

Белгилей кетсек, мэриянын аппаратын Балбак Түлөбаев башкарып келген. Ал 27-июлда өкмөттүн Ысык-Көл облусундагы өкүлү болуп дайындалды.