Сауд Араб Падышачылыгынын Медина шаарынан кайрымдуу инсандардын атынан Кыргызстан мусулмандарынын дин башкармалыгына 16 тонна Куран китеби келди. Бул тууралуу муфтияттын басма сөз кызматы билдирди.
Маалыматка караганда, ал китептер муфтияттын түзүмүндөгү 9 казыятка таратылып берилмекчи. Куран китептен жалпы саны 34 миң даананы түзөт. Китептер диний окуу жайларга, өлкөнүн ар бир мечитине бөлүштүрүлүп берилмекчи.
Ал эми бүгүн, 14- сентябрда Бишкек шаардык мусулмандар казыятына муфтиятка Мадина шаарынан келген Куран китептеринен 664 даана китеп жеткирилди. Бул китептер ордо калаадагы ар бир мечитке, медреселерге акысыз таратылаарын Бишкек шаарынын казысы Замир кары Ракиев билдирди.
Пикирлер (0)
Пикир жок. Сиз биринчилерден болушуңуз мүмкүн