Кыргызстанда коронавирустан бир адам каза болду

Кыргызстанда коронавирустан бир киши кайтыш болду. Бул тууралуу бүгүн, 3-апрелде Республикалык штабдан кабарлады.

Анда айтылгандай, 2-апрелде Ош облусундагы Ноокат аймактык ооруканасында жаткан 61 жаштагы бейтап биологиялык өлүмдөн каза тапкан.

Ал чет өлкөдөн келип, стационардык обсервацияда дарыланып жаткан. ПЧР-анализинин жыйынтыгы менен бейтапта COVID-19 инфекциясы бар экени тастыкталган. 

Ошондой эле, маалыматта бейтапта дагы башка кошо өрчүп кеткен оорулары да бар болгону айтылат.