Бүгүн, 12-январда тышкы иштер министринин орун басары Айбек Молдогазиев Кытайдын Кыргызстандагы элчиси Ду Дэвэнь жолугушту.
КР ТИМдин басма сөз кызматынан билдиришкендей, жолугушуунун жүрүшүндө тараптар кыргыз-кытай мамилелеринин ортосундагы маселелердин кеңири чөйрөсүн талкуулашты.
Тараптар маанилүү саясий, экономикалык жана маданий-гуманитардык окуяларга бай 2022-жылдын жыйынтыгына жогорку баа беришти. Ошондой эле 2023-жылга карата эки тараптуу мамилелерди өнүктүрүү пландары боюнча пикир алмашты.
Мындан тышкары, транспорт, коммуникациялар, айыл чарба жана башка тармактарда, биргелешкен экономикалык долбоорлорду алга илгерилетүүгө, ошондой эле кыргыз-кытай чек арасындагы өткөрүү пункттарынын ишин коронавирустук эпидемияга чейинки деңгээлге чейин калыбына келтирүү маселелерине өзгөчө көңүл бурулду.
Пикирлер (0)
Пикир жок. Сиз биринчилерден болушуңуз мүмкүн