Саламаттыкты сактоо министрлиги Ысык-Көлгө эс алууга 1 миңден ашык медициналык кызматкерди жөнөтүүнү пландап жатат. Бул тууралуу аталган министрликтин өкүлү Айгүл Бообекова 22-июлда «Ала-Тоо 24» түз эфиринде билдирди.
Анын айтымында, медиктерге колдоо көрсөткөн эпидемиологиялык фонд бар.
"Биз медиктерди колдоого алып, алардын ден соолугун чыңдоо үчүн Ысык-Көлгө жиберүүгө аракет кылып жатабыз. Кечээ 10 медикти жөнөтсөк, бүгүн 32 адамды жибердик. Жалпысынан 1 миңден ашык медициналык кызматкерди жөнөтүүнү пландап жатабыз. Алардын ичинен Бишкектен 400 дарыгер бармакчы", - деди А.Бообекова.
Ал ошондой эле, өлкөнүн түштүгүндө иштеген медиктерди дагы Ысык-Көлгө эс алууга жиберүү пландалып жатканын кошумчалады.
Пикирлер (0)
Пикир жок. Сиз биринчилерден болушуңуз мүмкүн