Бишкек шаарындагы “Дасмия” рестораны төкмө акын, маркум Элмирбек Иманалиевге куран окутуу боюнча бүгүн, 13-июнга дайындалган масштабдуу иш-чараны өткөрүүдөн баш тартты. Бул тууралуу шаардык мэриянын басма сөз кызматы билдирди.
Төкмө акынга куран окутуу “Тунгуч”
кичи районундагы өз үйүндө өткөрүлмөй болду, короо алдына 5 боз үй тигилмек
болгон.
Мэриянын маалыматы боюнча, Октябрь райондук ыкчам топ жана тиешелүү жетекчилер маалыматтык иштерин жүргүзүп, массалык иш-чаралардын өтүүсүнө, көп сандагы адамдардын чогулуууна чектөө коюу тууралуу түшүндүүрүү иштерин жүргүзүүдө.
"Бишкекте карантин режими күчүндө. Өкүнүчтүүсү, көптөгөн кафе, ресторандар санитардык талаптарга жооп бербей, нормалардын сакталышына кайдыгер мамиле жасап жатышат", - деп кошумчаланат маалыматта.
Эскерте кетсек, алп акын Элмирбек Иманалиев 20-апрелде кант диабетинен улам ооруканада каза болгон эле.
Пикирлер (0)
Пикир жок. Сиз биринчилерден болушуңуз мүмкүн