Кыргызстанда канча губернатор аял бар, деп сурады депутат Акбөкөн Таштанбеков 27-сентябрда Жогорку Кеңештин жыйынында Эмгек, социалдык коргоо жана миграция министринин биринчи орун басары Нурдөөлөт Базарбаевден.
«Губернатордун 4 орун басары бар, губернатор жок», - деп жооп берди Базарбаев.
— Райондун акимдеричи? – деп сурады депутат.
«31 акимдин орун басарлары бар, бирок аял акимдер жок», - деп жооп берди министрдин орун басары.
— ИИМде же РИИБде аялдардан жетекчилер барбы? — деп сурады Таштанбеков.
«Жок», — деди ички иштер министринин орун басары Октябрь Урмамбетов.
«Канча айыл өкмөт башчы, канча шаар мэрибар?", - деп белгиледи депутат.
«Мэрлер жок», - деди Базарбаев.
Жогорку Кеӊеште депутаттар аялдар менен эркектердин бирдей укуктарынын мамлекеттик кепилдиктери жөнүндө мыйзамга Конституцияга ылайык келтирүү боюнча өзгөртүүлөр каралды.
Пикирлер (0)
Пикир жок. Сиз биринчилерден болушуңуз мүмкүн