8-майда саат 15:00дөн баштап N8 троллейбустук каттам убактылуу токтотулуп, иш 9-майда саат 18:00дө жанданат. Бул тууралуу мэриянын басма сөз кызматы кабарлады.
Ошондой эле, N2 троллейбустук каттамдын кыймылы жарым-жартылай өзгөртүлөт.
Буга чейин N2 троллейбустун каттамы Аламүдүн-Жибек-Жолу-Чүй проспектисинин көчөлөрү аркылуу өтсө, майрам күндөрү Аламүдүн-Чүй көчөлөрү аркылуу өтөт.
"Маршруттарды өзгөртүү 9-май Жеңиш күнүн майрамдоого арналган иш-чараларга байланыштуу.
Келтирилген ыңгайсыздыктар үчүн кечирим сурайбыз. Борбор калаанын жарандарынан жана конокторунан каттамдарды алдын ала тактап алууңуздарды суранабыз",- деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн