Кадамжай РИИБнин кызматкерлери 5-май күнү санитардык-карантиндик посттон Кадамжай шаарынан өткөн Ош-Исфана автожолунда Баткен-Ош багытын көздөй бара жаткан DAF үлгүсүндөгү оор жүк ташуучу 3 унааны жана VOLVO үлгүсүндөгү 2 унааны токтотушкан.
Баткен ОИИБнын басма сөз кызматы маалымдагандай, кызматкерлер айдоочуларды короновирус илдети боюнча текшерген учурда унааларда кургатылган мөмө-жемиштерди аткезчилик жол менен жүктөп бара жаткандыгы аныкталган.
Кадамжай РИИБи бул факт боюнча тиешелүү материалдарды топтоп, Экономикалык кылмыштарга каршы күрөшүү мамлекеттик кызматынын Баткен облусу боюнча тергөө бөлүмүнө өткөрүп берди.
Пикирлер (0)
Пикир жок. Сиз биринчилерден болушуңуз мүмкүн