19-апрель: Коронавирус жуктурган 48 учур катталды

Республиканын аймагында бүгүн, 19-апрелде саат 8:00гө карата жаңы 48 учуру катталды. Бул тууралуу саламаттыкты сактоо министринин орун басары Нурболот Үсөнбаев онлайн брифингде билдирди.

Жаңы катталгандар:

Ош облусунда – 7,

Ош шаарында – 9,

Нарын облусунда – 11,

Чуй облусунда – 2,

Жалал-Абад облусунда – 9 (Сузак району – 5, Ала-Бука району – 4),

Бишкекте – 9.

Анын айтымында, муну менен Кыргызстанда жалпы 554 учурга жетти. Жаңы жуктургандардын 18и дарыгерлер.

Оор абалда жаткандар 16 адамды түзөт. Ал эми ооруканадан бүгүнкү күнгө карата 3 адам чыгарылды.