Өзбекстандагы жаза өтөө мекемесинен качып кеткен 2 адам Кыргызстанга кирүүгө аракет кылды. Бул тууралуу Мамлекеттик чек ара кызматынын басма сөз кызматы билдирди.
Маалыматка караганда, 4-августта Жалал-Абад облусунун чек арачылары ИИМдин кызматкерлери менен бирге Өзбекстандын 2 жаранын колго түшүрүштү.
Ала-Бука чек ара отрядынын кызматкерлери Өзбекстан Республикасынын Ташкент облусунун Зангиата районундагы жаза өтөө мекемесинен 2 адам качып кеткендиги тууралуу маалымат алышкан. Анын натыйжасында кыргызстандык чек арачылардын жана ИИМдин кызматкерлеринин аракети менен Өзбекстандан качып кетүүнү каалаган 2 адам кармалган.
Кармалган адамдар Өзбекстандын тургундары: 1996-жылы туулган С.Х. жана 1991-жылы туулган А.Б. экендиги аныкталды. Алар Жалал-Абад облусунун Аксы районунун Бел-Сөгөт аймагында мамлекеттик кыргыз-өзбек чек арасынан мыйзамсыз өтүп бара жатканда колго түшүрүлдү.
Документтер толтурулган соң кармалган 2 адам ИИМдин кызматкерлерине өткөрүлүп берилди.
Пикирлер (0)
Пикир жок. Сиз биринчилерден болушуңуз мүмкүн