Президент Садыр Жапаров бүгүн, 9-майда, Москвада Өзбекстандын президенти Шавкат Мирзиёев менен жолугушту. Бул тууралуу президенттин маалымат кызматынан кабарлашты.
Өлкө лидерлери кыргыз-өзбек эки тараптуу жана көп тараптуу кызматташтыгынын учурдагы абалын жана келечегин, ошондой эле биргелешкен өз ара аракеттенүүнү мындан ары тереңдетүү боюнча чараларды талкуулашты.
Садыр Жапаров менен Шавкат Мирзиёев Улуу Ата Мекендик согуштагы Жеңиш күнүнүн 78 жылдыгы менен бири-бирин куттукташты.
Мамлекет башчылары Кыргызстан менен Өзбекстандын боордош элдеринин жыргалчылыгы үчүн эки тараптуу өнөктөштүктүн бардык тармактарында достук жана ынак коңшулук мамилелерди мындан ары ырааттуу өнүгүүсүн арттырууга макулдашышты.
Пикирлер (0)
Пикир жок. Сиз биринчилерден болушуңуз мүмкүн