Өлкөдө коронавирустан дагы 23 адам сакайды

Кыргызстандын аймагында бүгүн, 2-майга карата бир сутка ичинде 23 бейтап ооруканадан айыгып чыкты. Бул тууралуу Саламаттыкты сактоо министрлигинин Коомдук саламаттык башкармалыгынын башчысы Айнура Акматова билдирди.

Маалыматка ылайык, бул жарандардан кайталап анализ алынганда илдет табылган эмес.

Айыккандар:

Бишкек шаарында – 9;

Ош облусу – 1;

Жалал-Абад облусу – 1;

Нарын облусу – 11.

Республика боюнча бүгүнкү күндө коронавирустан жалпы 527 бейтап айыгып, ооруканадан чыгарылды.