Кыргызстандык спортчу Жоламан Шаршенбеков Сербияда өткөн эл аралык турнирдин жеңүүчүсү болду.
Любомир Иванович Гедзаны эскерүү турнири 5-августта Белградда 8 өлкөнүн спортчуларынын катышуусунда өттү.
Шаршенбеков 60 килограммга чейинки салмак категориясында чыгып, анда жалпысынан 7 спортчу эки топко бөлүнгөн.
Тайпалык баскычта кыргызстандык Венгрия жана Кытайдын спортчуларын экиден жеңип, биринчи орундан жарым финалга чыкты.
Шаршенбеков 1/2 финалдык беттеште Динислам Бамматовду 11:2 эсебинде жеңсе, финалда венгриялык Эрик Торбаны 8:0 эсебинде жеңди.
Пикирлер (0)
Пикир жок. Сиз биринчилерден болушуңуз мүмкүн