Жогорку Кеңештин эки депутатынан жана Аппараттын үч кызматкеринен COVID-19 илдети аныкталды. Бул маалыматты парламенттин басма сөз кызматынын жетекчиси Ибраим Нуракун уулу бүгүн, 22-июнда билдирди.
Анын айтымында, беш депутат ооруду деген маалымат чындыкка дал келбейт.
"Инфекция жуктурган депутаттар жана Аппарат кызматкерлеринин ысымдарын атай албайбыз. Себеби, бул алардын жеке өзүнө тиешелүү маалыматы. Алардын айрымдары алыста жашаган туугандарын, ата-энелерин кабатыр кылгысы келбейт. Ооругандардын баардыгы обочолонгон. Соңку кырдаал Жогорку Кеңештин ишине азырынча таасир бербейт. Ошону менен бирге Жогорку Кеңештин депутаттары жана аппарат кызматкерлери толук ПЦР-текшерүүдөн өтүп бүтө элек", - деп билдирген ал.
Пикирлер (0)
Пикир жок. Сиз биринчилерден болушуңуз мүмкүн