Ири өлчөмдөгү акча талап кылуу боюнча дагы бир фактыга бөгөт коюулду

Ири өлчөмдөгү акча талап кылуу боюнча дагы бир фактыга бөгөт коюулду. Бул тууралуу УКМКдан билдиришти.

Такталгандай, Р.Б.И. тарабынан коркутуп-үркүтүү жана шантаж жолу менен, ошондой эле атайын кызматтын айрым кызматкерлери менен байланышы бар экендигин айтып, мурда УКМК тарабынан козголгон кылмыш иши боюнча маселени чечип берүүнү убада кылып, К.Э.И. аттуу жарандын акча каражаттарын ээлеп алганы аныкталган.

Андан соң ал арыздануучудан 2 500 доллар жана "Айфон-16 про мах" үлгүсүндөгү жаңы уюлдук телефонун опузалап алган.

Кылмыш ишиндеги төгүндөлгүс далилдерди эске алуу менен жүргүзүлгөн тергөө иш-аракеттеринин натыйжасында КР Жазык-процесстик кодексинин 96-беренесине ылайык Р.Б.И. кармалып, тергөө жайына киргизилди.

Учурда ушул сыяктуу мыйзамсыз фактыларды, ошондой эле башка тиешеси бар адамдарды аныктоо боюнча ыкчам-иликтөө иш-чаралары жүргүзүлүүдө.

УКМК өлкөнүн мыйзамдарын бузууга жол берилбестигин эскертет, эгерде алардын бири аныкталса, катуу тиешелүү чаралар көрүлөт, анын ичинде кылмыштуу да чаралар көрүлөт жана мындай фактылардан жапа чеккен жарандар 0312 62-05-85 номуруна кайрылууга чакырат.