Жээнбек Кулубаев Россияга расмий иш сапары менен барат

2025-жылдын 22-январында Кыргызстандын тышкы иштер министри Жээнбек Кулубаев расмий иш сапары менен Россияга барат.

Тышкы саясий ведомстводон билдиришкендей, Кулубаев Россиянын тышкы иштер министри Сергей Лавровдун чакыруусу менен барат.

Иш сапардын алкагында Кыргызстан менен Россиянын тышкы иштер министрлеринин сүйлөшүүлөрү өтүп, кыргыз-орус стратегиялык өнөктөштүк жана союздаштык маселелери талкууланат.