Учурдагы бийлик сунуштай турган Конституцияны мурдагы президент Курманбек Бакиевдин юристи жазып жатат. Бул тууралуу экс-президент Роза Отунбаева «Иш күндүн кечи» көрсөтүүсүндө Эркин Рыскулбеков менен маектешүү учурунда билдирди.
«Бакиевдин юристи азыр Конституцияны жазып жатат. Ошол эле юрист 2007-2010-жылдары Отунбаева депутат болуп турганда, Курманбек Бакиев ооруп кала турган болсо, бийлик анын уулу Максимге өтөт деген мыйзам долбоорун кароого койгон. Эми он жыл өткөн соң, саясат менен коом алдыга кеткенде Конституция жазып атат. Таң калып жатам, кайсыл акылы менен жазып жатты экен», - дейт Отунбаева.
Пикирлер (1)