Жалпы эсеп 76:5! Кыргызстан Сараево шаарында өткөн хоккей боюнча дүйнө чемпионатын жеңип алды

Хоккей боюнча Кыргызстандын улуттук курама командасы дүйнөлүк чемпионаттын 3-дивизионунун В тайпасынын жеңүүчүсү болду. 

27-февралдан 5-мартка чейин Босния жана Герцеговина мамлекетинде өткөн чемпионатта Кыргызстан тайпасындагы 5 кураманы 76:5 эсебинде жеңип, биринчи орунду ээледи.

Буга байланыштуу улуттук курама дагы бир тепкичке көтөрүлүп, 3-дивизиондун А тайпасына чыкты.

Ал тайпасында Кыргызстан Түркмөнстан, Тайвань, Түштүк Африка Республикасы, Люксембург, Таиланд жана Кытайга каршы беттешет.