Жалал-Абад облусун Ноокен районунда 6-майга караган түнү 50дөй койду сел агызып кеткенин райондун акими Эркин Маматаев маалымат каражаттарына билдирди.
Маалыматка ылайык, Достук айыл аймагынын Кызыл-Туу айылында 50дөй койду сел агызып кеткен.
Ошондой эле, беш гектардай жердеги айыл чарба эгиндери да зыянга учураган.
Мындан сырткары, селден Ала-Бука районунун Биринчи Май айыл аймагында, Базар-Коргон районунун Кеңеш айыл аймагында үйлөр, эгин талааларын, Аксы районун Ак-Жол айылында 2 чакырым жолду суу каптаган. Учурда Сузак районунундагы селден кандай зыян келтирилгени аныкталып жатат.
Пикирлер (0)
Пикир жок. Сиз биринчилерден болушуңуз мүмкүн