Эмдөөдөн өткөнү тууралуу сертификатты акчага саткан медицина кызматкерлери кызматтан бошотулду. Бул тууралуу Саламаттыкты сактоо министри Алымкадыр Бейшеналиев билдирди.
Анын айтымында, тиешелүү адамдар иштен алынган.
"Иликтөө боюнча 4 поликлиниканын башкы дарыгерлери иштен алынды. Ошондой эле бир медайым кармалып, бир медайым иликтөө чыккандан кийин Түркияга качып кеткен. Алардын ишин укук коргоо органдарына өткөрүп бердик.
Мен бардык дарыгерлер менен кеңешме өтүп. Мындай учур катталса, башкы дарыгерлер башы менен жооп берерин эскерттим",- деди министр.
Пикирлер (0)
Пикир жок. Сиз биринчилерден болушуңуз мүмкүн