Жалал-Абад облусунун Токтогул районунун тургуну баңгизаты менен кармалды. Бул тууралуу ИИМдин баңгизатына каршы күрөшүү кызматынан билдиришти.
Буга чейин Жалал-Абад облусунун Токтогул районунун жергиликтүү тургуну тымызын шартта баңгизатын өстүрүү менен алектенип жаткандыгы тууралуу маалымат түшкөн.
Кылмыш-жаза кодексинин 267-беренеси "сатып алуу максатында баңги затын мыйзамсыз даярдоо" менен козголгон кылмыш ишинин алкагында, укук коргоо кызматкерлери шектүүнүн жашаган жеринде тинтүү жүргүзүшкөн. Анда үйдүн сарайынан 2 килограмм 635 грамм гашиш табылган. Кармалган адам убактылуу кармоочу жайга киргизилген.
Учурда тергөө иштери жүрүп жатат.
Пикирлер (0)
Пикир жок. Сиз биринчилерден болушуңуз мүмкүн