Таш-Көмүр шаарына караштуу Кызыл-Алма айылындагы Койчумановдордун үй-бүлөсү чоң атасынын жылдыгын өткөрүүнүн ордуна жергиликтүү мечитке жардам берди. Бул тууралуу муфтияттын басма сөз кызматы билдирди.
Маалыматка караганда, Таш-Көмүр шаарынын хатибияты жергиликтүү элге ысырапкерчиликке каршы күрөшүү боюнча түшүндүрүү иштерин жүргүзүп келишет.
"Мындай иштердин натыйжасында Кызыл-Алма айылында жашаган Койчумановдордун үй-бүлөсү мындан бир жыл мурун көзү өткөн атасына жылдык өткөрүү үчүн жумшала турган каражатты айылда жайгашкан “Азирети Али” мечитинин ички жасалгасына жумшап, сообун атасынын арбагына багыштады. Тактап айтканда, бул үй-бүлө мүчөлөрү мечитке 50 000 сом акча которуп беришти", - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн