Таласта эки жеңил унаа кагылышып, 7 адам жаракат алды

Таласта эки жеңил унаа кагылышып, 7 адам жаракат алган. Бул тууралуу ӨКМнын басма сөз кызматы билдирди.

Кара-Буура району, Талас-Тараз унаа жолунун (Кичи Кировка айылы) 53-чакырымында “Ауди С-4” жана “Фольксваген Пассат” унаалары сүзүшкөн.

Кырсыктын кесепетинен 4 эркек жана 3 аял жабыркаган (аты-жөндөрү такталууда). 

Жерине №91 ӨКБдан 4 куткаруучу тартылган, куткаруучулар жабыркаган жарандарды унаадан чыгарып тез жардам кызматкерлерине өткөрүп беришкен.