Сузакта 4 гектар жердеги жаңы отургузулган көчөттөр өрттөндү

Жалал-Абадда 4 гектар жердеги жаңы отургузулган көчөттөр күйүп кетти. Бул тууралуу ӨКМнин басма сөз кызматы билдирди.

Маалыматка ылайык, өрт Сузак районунун Таш-Булак айыл аймагындагы Д.Махмудов көчөсүндө ачык аянтта катталган.

«Өрттү өчүрүүгө Жалал-Абад шаардык бөлүмдүн №20 ӨКБнөн 3-өрт өчүрүүчү бөлүмү тартылды, курчоо саат 19:53, өчүрүү 20:14. Өрттү өчүрүүдө кол каражаттары менен өчүрүлгөн жана жергиликтүү тургундардан 50 адам жардам берген. Өрттүн себеби такталууда», — деп берилет маалыматта.