Судьясы каза болгон Ош шаардык соту карантинге алынды

Бүгүн, 15-июлда Ош шаардык соту карантинге алынды. Бул тууралуу аталган мекеменин басма сөз кызматынан билдирди.

Маалыматка ылайык, Ош шаардык ооруларды алдын алуу жана мамлекеттик санитардык-эпидемиологиялык көзөмөлдөө борборунан мекемени жабуу боюнча корутунду келген. Бардык кызматкерлер үй карантинге чыгарылган.

Белгилей кетсек, Ош шаардык сотунда 2 судьядан пневмония, 7 кызматкерден коронавирус аныкталган. Пневмонияга кабылган судьянын бири бүгүн, 15-июлда каза болду.