Коррупцияга шектелип кармалган Оштун казысынын ордуна Самидин Атабаев дайындалды. Бул тууралуу Кыргызстан мусулмандарынын дин башкармалыгынан кабарлашты.
Тиешелүү тескемеге муфтий Абдулазиз Закиров кол койгон.
Самидин Атабаев 1973-жылы Өзгөндө туулган. Ал Кыргызстанда жана Россияда диний жана юридикалык билим алып, ар кайсы диний мекемелерде жетекчилик кызматтарды аркалаган. Буга чейин Бишкек, Ош, Ысык-Көл казылыктарын жетектеген. Араб, түрк жана орус тилдерин билет.
Буга чейин Ош шаарынын казысы Мирлан Токтомушев коррупцияга шектелип УКМК тарабынан кармалган.
Пикирлер (0)
Пикир жок. Сиз биринчилерден болушуңуз мүмкүн