Саламаттыкты сактоо министри Сабиржан Абдикаримов дарылануудан кийин бүгүн, 3-августта жумушка чыкты. Бул тууралуу Саламаттыкты сактоо министрлигинин басма сөз кызматы билдирди.
«Министр стационардык дарылануудан кийин бир жума үй карантинде болуп, обочолонуу режимин сактады. Ал жокто милдеттерин орун басары Мадамин Каратаев аткарды. Бүгүндөн тарта министр штаттык режимде иштеп жатат», - деп айтылат маалыматта.
Министрлик 10-июлда С.Абдикаримовдон пневмония аныкталганын, кийинчерээк Республикалык жугуштуу оорулар ооруканасында дарыланып жатканын билдирген.
Пикирлер (0)
Пикир жок. Сиз биринчилерден болушуңуз мүмкүн