Президент Садыр Жапаров өзүнүн саясатын аялын, айдоочусун, жакындарын кийлигиштирбей алып барууда. Бул тууралуу 26-февралда Маданият министрлигинин жыйынында министрлер кабинетинин башчысы Акылбек Жапаров билдирди.
Акылбек Жапаров өз сөзүндө акыркы 3 жылда экономикалык өсүштү белгиледи.
«Садыр Нургожоевич кызматка киришээри менен чарбалык бөлүгүн мага, ал эми Камчыбек Кыдыршаевичке тартип чөйрөсүн координациялоону тапшырды. Былтыр Ормон хандын 30 жылдыгын өткөрдүк, анан 2005-жылы менин ишенимдүү адамым болгон Зайнидин аксакал келип калды. Анын айтымында, Садыр Жапаров милдеттерди туура бөлүштүргөн – Камчыны камчы керек жерге, акыл керек жерге мени койду, Акылды», - деди ал.
«Учурда Садыр Жапаровдун иштерине жубайы, айдоочусу жана жакындары кийлигишпейт. Ал экономика тармагына адистерди тартты», - деп кошумчалады ал.
Пикирлер (0)
Пикир жок. Сиз биринчилерден болушуңуз мүмкүн