Борбордук шайлоо комиссиясы (БШК) 12-апрелде өтө турган жергиликтүү кеңештерге добуш берүүчү шайлоочулардын баштапкы тизмеси түзүлүп бүткүнүн маалымдады. 16-февралда тараткан маалыматта айтылгандай, бул шайлоого 340 479 шайлоочу катышат. Ал эми 22-февралдан тартып шайлоочулардын тизмеси тиешелүү шайлоо участоктордо илинет. Добуш берүүчүлөр 27-мартка чейин ошол жерден өздөрүнүн аты-жөнүн тактаса болот.
12-апрелде өтө турган жергиликтүү кеңештердин шайлоосуна катыша турган тизмедегелер жалпы шайлоочулардын 10% түзөрү белгилүү болду. Бул добуш берүүдө 18 жашка толгон, шайлоого укуктуу жарандар катталган жерине жараша өз тандоосун жасай алат.
Белгилей кетсек, 12-апрелде Баткен, Жалал-Абад, Нарын, Ысык-Көл, Чүй, Ош облустарынын аймактарындагы 26 айылдык кеңештин жана Каракол, Балыкчы, Токмок, Ош, Майлуу-Суу шаардык кеңештеринин депутаттары тандалат.
Пикирлер (0)
Пикир жок. Сиз биринчилерден болушуңуз мүмкүн