Кыргыз Республикасынын Россия Федерациясындагы Элчилиги Ханты-Мансийск автономиялык округунун Когалым жана Ноябрск шаарларынын ортосундагы унаа жолунда болгон жол кырсыгынын натыйжасында Кыргыз Республикасынын жарандары 1999-жылы туулган А.А. жана 2002-жылы туулган К.А. (жубайлар) каза болгондугуна байланыштуу маалымат берди.
Кыргыз Республикасынын Сургут шаарындагы Элчилигинин кеңсеси каза болгондордун жакын тууганы менен жолугушуу өткөрдү, ага сөөктөрдү Кыргыз Республикасына кайтаруу боюнча чыгымдарды жабуу үчүн мамлекеттен бир жолку төлөм алуу тартиби түшүндүрүлдү.
Ошондой эле, каза болгондордун сөөгүн Кыргыз Республикасына жеткирүүгө уруксат кагаздарын алуу боюнча тез арада чечим кабыл алуу үчүн Когалым шаарынын тиешелүү кызматтары менен сүйлөшүүлөр жүрүп жатат.
Бул маселе Кыргыз Республикасынын Россия Федерациясындагы Элчиликтин Сургут шаарындагы кеңсесинин өзгөчө көзөмөлүндө турат.
Пикирлер (0)
Пикир жок. Сиз биринчилерден болушуңуз мүмкүн