Россиянын президенти Владимир Путин аймак жетекчилерине түнкүсүн (23:00дөн таңкы 6:00гө чейин) ресторандар менен көңүл ачуучу жайлардын иштөөсүнө тыюу салууну сунуштады. Бул тууралуу Кремлдин сайты кабарлады.
Маалыматка караганда, мындан тышкары губернаторлорго COVID-19га каршы эмдөөдөн өтпөгөн 60 жаштан ашкан жарандарды обочолонууга милдеттендирип, аларды бир айлык мөөнөткө аралыктан иштөөгө өткөрүү сунушу да берилди.
Президенттин тапшырмасына ылайык, ошондой эле аймак башчылары көңүл ачуусу иш-чараларды өткөрүүгө тыюу салып, жарандарды коомдук жайларга QR-код менен гана киргизиши керек болот.
Аймак башчылары бул чаралар боюнча алгачкы баяндамасын президентке 30-ноябрда даярдап бериши зарыл. Андан ары бул боюнча аткарылган иштери тууралуу ай сайын маалымат берип турушат.
Пикирлер (0)
Пикир жок. Сиз биринчилерден болушуңуз мүмкүн