Пара талап кылуу фактысы менен кармалган Жогорку Кеңештин депутаты Данияр Төлөнөвдун иниси Бахтияр Төлөновго Бишкек шаардык соту өкүм чыгарды. Чечимге ылайык Биринчи Май райондук сотунун өкүмү күчүндө калтырылган.
2021-жылдын 17-мартында Бишкек шаардык сотунун соттук коллегиясы Бишкек шаарынын Биринчи май райондук сотунун өкүмүн күчүндө калтырды. Тактап айтканда, Мамлекеттик миграция кызматынын маалыматтык-консультациялык борборунун директору Бахтияр Төлөнов Кыргыз Республикасынын Кылмыш-жаза кодексинин "Пара талап кылуу" беренеси боюнча күнөөлүү деп табылып, 260 миң сом айып пул салынган.
Эске салсак, Мамлекеттик миграция кызматынын маалыматтык-консультациялык борборунун директору Бахтияр Төлөнов Финпол кызматкерлери тарабынан 2020-жылдын 9-январында Жибек Жолу проспектиси менен Манас проспектисинин кесилишиндеги «Мира» кафесинен кармалган. Ал 800 доллар пара менен кармалган.
Пикирлер (0)
Пикир жок. Сиз биринчилерден болушуңуз мүмкүн