Кара-Сууда каналга түшүп кеткен 1,5 жашар ымыркайдын сөөгү табылды. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, 26-сентябрь күнү Ош облусунун Кара-Суу районундагы Тойчу айылында 1997-жылы туулган И.М. аттуу аял 2018-жылы жана 2020-жылы туулган кыздары менен Отуз-Адыр каналына түшүп кеткен.
Жергиликтүү тургундар тарабынан аял жана анын 2018-жылы туулган кызы суудан аман-эсен чыгарылып, тез жардам кызматкерлерине өткөрүп берилген.
27-сентябрь күнү издөө иштеринен натыйжа болгон жок.
Бүгүн, 28-сентябрь күнү жерине кызды издөө иштерин улантуу максатында ӨКМден 16 куткаруучу жана жергиликтүү тургундардан 15 киши тартылган.
Издөө иштердин натыйжасында саат10:50дө куткаруучулар тарабынан 1,5 жашар кыздын сөөгү табылды. Кыздын сөөгүн туугандарына өткөрүп берилди.
Пикирлер (0)
Пикир жок. Сиз биринчилерден болушуңуз мүмкүн