Бабур атындагы Ош драма театры толук реконструкциядан өтөт. Бул тууралуу Ош шаардык мэриясынын басма сөз кызматы билдирди.
Кечээ, 13 -сентябрда Ош шаарында жайгашкан Бабур атындагы академиялык музыкалык драма театрынын толук реконструкциясы башталды. Шаардын вице-мэри Жасур Азимов баштаган жумушчу топ жеринен кабар алып, аткарылып жаткан иштер боюнча таанышты.
Реконструкциялоо Өзбекстан менен Кыргыз Республикасынын ортосундагы эл аралык эки тараптуу социалдык-экономикалык байланыштарды чыңдоо боюнча жетишилген макулдашууларга ылайык башталган. Театрды реконструкциялоону аяктоо келерки жылдын башында пландалууда. Жумуштун жалпы баасы 5 миллион долларды түзөт.
Көрсөтүлгөн долбоорго ылайык, театрдын имараты толугу менен оңдолот.
Оңдоп-түзөө иштери Өзбекстан Республикасы тарабынан каржыланат.
Пикирлер (0)
Пикир жок. Сиз биринчилерден болушуңуз мүмкүн