Ошто жана Нарында жер титирөө катталды

Ош жана Нарын облустарында жер титирөө катталды. Бул тууралуу Өзгөчө кырдаалдар министлигинин басма сөз кызматынан билдирди.

Маалыматка ылайык, 25-июнь күнү саат 17:28де Ош облусунун аймагында очогунда күчү 2,5 баллга жеткен жер титирөө катталган. Жер титирөө Өзгөн районунун Шералы, Кароол айылдарында 2,5 баллга чейин сезилген. 

Ошондой эле 25-июнь күнү саат 19:49да Нарын облусунун аймагында очогунда күчү 3 баллга жеткен жер титирөө катталган. Жер титирөө Кочкор районунун Орток, Кызыл-Дөбө, Комсомол, Ак-Талаа айылдарында 2,5 баллга чейин сезилген.

Жер титирөөдөн жабыркагандар жана кыйроолор катталган эмес.