Ошто каналга түшүп кеткен адамдын сөөгү табылды. Бул тууралуу Өзгөчө кырдаалдар министрлигинен билдиришти.
Маалыматка ылайык, кечээ, 26-апрелде Ош шаарынын Аношина көчөсүндөгү турак үйдүн алдынан Яккалик каналына белгисиз адам түшүп кеткен.
Жерине 4 куткаруучу тартылып, каналдагы суунун деңгээли жогору болгондуктан, издөө иши убактылуу токтотулган.
Бүгүн таң эрте издөө-куткаруу иштерине 7 куткаруучу тартылып, натыйжасында 35-40 жаштагы славян түспөлүндөгү адамдын сөөгү табылып, милиция кызматкерлерине өткөрүп берилди.
Учурда маркумдун аты-жөнү такталууда.
Пикирлер (0)
Пикир жок. Сиз биринчилерден болушуңуз мүмкүн